- 20 -

1260, Mai 14. Ottmachau.

Bischof Thomas I. von Breslau bestätigt den Cisterciensern zu Kamenz die ihnen geschenkten und verliehenen Glüter und Zehnten.

In nomine domini amen. Nos Thomas dei gratia Vratislaviensis episcopus notum facimus universis, quod, cum in domo de Kamenez canonicorum regularium ordinis sancti Augustini penitus deficeret observancia regularis, cum fratres in domo eadem constituti regulariter non viverent, in uno dormitorio non dormirent nec in refectorio comederent, post multas ammoniciones et comminacionis eisdem canonicis factas, ut domum eandem per aliquas personas sui ordinis magis idoneas in temporalibus et spiritualibus reformarent et ipsi per plures annos id facere contumaciter neglexerunt, immo destructi ab emundatione correctionis nostre domum in statu huiusmodi posuerant, quod defecit omnimode tam in personis quam in observancia regulari tribus solummodo fratribus in eadem manentibus vitam et propositum non tenentibus regulare. Quare nos zelo dei accensi de consilio virorum prudentum et specialiter viri honorabilis magistri Iacobi archidiaconi Leodiensis domini pape capellani tunc in partibus Polonie et circumadiacentibus domini pape vices gerentis, nunc autem patriarche Iherosolimitani, cum consensu capituli nostri, planta inutili dictorum canonicorum funditus de domo eadem evulsa, Cisterciensem ordinem in dicta domo plantavimus, sperantes, immo certum habentes, quod per eos debeat in temporalibus et spiritualibus reformari, dictos tres canonicos in locis competentibus commode collocantes. Unde domum ipsam ordini Cisterciensi in nomine domini perpetue confirmamus, possessiones domus eiusdem confirmantes eisdem, quarum nomina sunt: Ipsum Kamenez, ubi domus eadem sita est, Rogousca, Istebca, Grochovischa, Pantnou, que ville obvenerunt ipsi monasterio ex donacione domini Ianusii archidiaconi Vratislaviensis una cum Pantnovo, Ratayna, quam contulit dominus Martinus Semeniz canonicus Vratislaviensis. Ex donacione autem domini Heynrici senioris ducis Slesie collatum . est dicte domui quoddam desertum a monasterio ipso usque ad metas inter Poloniam et Bohemiam, in quo site sunt iste ville: villa Heinrici, villa Henrici, villa Helmirici, villa Meinfridi, villa Volmari. Habent eciam ibi Sosnavam, quam contulit domui miles Moyek. Habet nihilominus prefata domus ex donacione Vratislaviensium episcoporum Cipriani, Laurencii et nostra decimas harum villarum, et primo decimas ecclesie de Bardo, super qua specialiter predictum monasterium est fundatum, que sunt in Cbanovo, Prilanc quod modo dicitur Francberc, in Pilez, Gerumswalde, Iansbach, Potvorovo, item in Grochovischa hominum ducis, que modo in tria est divisa, in Grochoviam, Brasovice, que Pomerium dicitur et in Paulovicz et eciam in Sluseyovo. Habet et has decimas de mensa episcopali sibi perpetuo collatas: in ipso Kamenez, in Rogousca, in Istebca, in Grochovischa filiorum Iaracii, in Lopeniza, in Gola cum Kidlini et Mechnik, Grodcou cum suo circuitu, Michalou cum suo circuitu e), item decimam ville de Rosomanca de Predborova quod dicitur Soneheyde, Cluchova, Ovesonovo utrumque, de Grodische, quod est villa Lamberti, et villa Burcardi: item decimas in Lusoboc filiorum Iaroslai, in Ratayna secundum quod a domino Martino herede eidem domui est collata; item decimas iuxta Vedrnik ville cuiusdam, que Voynovici et Golostovici dicitur; item de villa Sosnova, quam habent ex donacione militis Moyconis; item decimas de toto deserto, quod contulit dux Henricus senior eidem domui ab ipso monasterio usque ad metas Polonie et Bohemie. Quas decimas nos de consensu et beneplacito capituli Vratislaviensis dicte domui ad sustentacionem domus prefate contulimus in perpetuum. Has igitur possessiones et decimas superius nominatas cum omnia hec quiete et pacifice possideant cum consensu capituli nostri perpetuo in nomine domini confirmamus et appensione sigillorum nostro et nostri capituli communimus. Datum in Otmuchov anno domini Mo. CCo. LX. sequenti die Ascensionis domini, presentibus hiis: magistro Stephano archidiacono Opoliensi, domino Ecardo, Leonardo, Thoma, magistro Francone, Daleborio canonicis Vratislaviensibus; item capellanis nostris Leonardo, Petro, Iacobo, Voyslao et Andrea, per cuius manum hec littera est conscripta.

Or. Perg. in zwei Ansfertigungen. An beiden dieselben Siegel wie bei No. IX., an roth-, grün- und gelben Seidenschnüren. Schultz i. a. W. S. 11 und Pfotenhauer, Siegel S. 16 (A. IX. 57). Regesten No. 1046. Gedruckt von Stenzel, Jahresbericht der vaterländ. Gesellschaft v. 1839. S. 204-206.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 10, Urkunden des Kloster Kamenz. Hrsg von Dr Paul Pfotenhauer, Breslau 1881.